Utangulizi
MARKO 16:16 inasema,
“Aaminiye na kubatizwa ataokoka; asiyeamini, atahukumiwa.”
Petro 3:21 pia inasema, “Na ubatizo wa maji ni mfano wake, ambao
sasa unatuokoa sisi (siyo kuondoa uchafu wa mwili, bali ni majibu ya dhamiri
njema mbele za Mungu,) kwa ufufuo wa Yesu Kristo.”
Maswali mengi huibuka kuhusu
Ubatizo wa Maji: “Ni njia gani ya Kibiblia ya kufanya hivyo?” Je, ubatizo
hufanywa kwa kunyunyizia? Au ni kwa kuzamishwa ndani ya maji? Je, ni kwa
kutumia VYEZO vya Baba, Mwana na Roho Mtakatifu (Math. 28:19), au kwa kutumia
JINA la Bwana Yesu Kristo? (Matendo 2:38)?
Neno “batiza” limetokana na Neno la Kigiriki “baptizo”
ambalo linamaanisha “KUZAMISHA” ndani ya maji. Kwa miaka elfu moja na mia tatu
ya kwanza baada ya kifo cha Kristo, ubatizo ulifanywa kila wakati kwa KUZAMISHA
mtu NDANI YA MAJI.
Kwa hiyo ni dhahiri kutokana na maandiko haya
haya kwamba Ubatizo wa Maji mwanzoni ulifanyika kwa "kuzamisha" mtu
binafsi chini/ndani ya maji.
Matendo 8:39 inasema hivi, “Wakashuka wote wawili ndani ya maji,
Filipo na towashi; akambatiza”. Yohana 3:23 pia inasema, “Yohana naye alikuwa
akibatiza huko Ainoni, kwa sababu kulikuwa na maji mengi huko”. “Wakatoka juu
ya maji” (Matendo 8:39).
VYEO AU JINA?
Katika Mathayo 28:19 tunaweza
kusoma agizo kuu la Yesu kwa wanafunzi wake akisema, “Basi, enendeni,
mkawafanye mataifa yote kuwa wanafunzi, mkiwabatiza kwa JINA la Baba, na la
Mwana, na la Roho Mtakatifu.”
Sasa, Yesu Kristo, Mwandishi na
Mkamilishaji wa imani yetu, hakuwaambia tukabatize kwa MAJINA, bali kwa
J-I-N-A, (umoja). Funzo hapa ni kupata JINA ambalo Baba, Mwana, na Roho
Mtakatifu lina maanisha. Zingatia
kwamba neno “Baba” si JINA. “Mwana” si JINA pia; wala Roho Mtakatifu si JINA. Hivi ni VYEO tu vya MUNGU MMOJA wa
kweli.
Ikiwa tutafuatilia Jina la Mungu
katika Agano la Kale, tutapata kwamba Baba alikuwa akiitwa kila mara “BWANA”,
kwa herufi kubwa “B-W-A-N-A”.
Katika Agano Jipya, tunapata kwamba
“YESU” ndilo jina lililotolewa kwa Mwana wa Mungu.
Katika wakati wetu huu, kipindi cha neema, wakati Roho Mtakatifu alipotolewa tangu
Siku ya Pentekoste, anaitwa “KRISTO” au “Mpakwa Mafuta” a Mungu.
Tunaweza sasa kuhitimisha kutokana
na msingi huu kwamba VYEO vya “Baba, Mwana na Roho Mtakatifu” vinarejelea JINA
moja tu la muundo, ambalo ni Jina pekee lililotolewa duniani ambalo mwanadamu
lazima aokolewe (Matendo 4:12) - na JINA hilo si lingine ila JINA la “BWANA
YESU KRISTO”, JINA kamili la MUNGU.
Jina la baba, Mwana na Roho Mtakatifu ni lipi?
Tunaweza kusoma katika Biblia yote
kwamba WANAFUNZI WOTE wa Yesu walitumia JINA lake katika Ubatizo wa Maji
(Rejea: Matendo 2;38; Matendo 19:1-5; Matendo 10:46-48; Matendo 8:14).
KAMWE hatuwezi kupata katika kurasa
zote za Biblia ambapo mtu yeyote alibatizwa kwa kutumia VYEZO vya Baba, Mwana
na Roho Mtakatifu. Tafuta mwenyewe na hutapata hata moja. Kuna tuzo ya dola
milioni moja leo kwa yeyote anayeweza kupata aya moja inayosema hivyo.
Mitume walielewa kwamba ubatizo kwa
VYEO hivyo haukuwa amri HALISI, kama vile Yesu alipowaambia, “Msipokula MWILI
Wangu na kunywa DAMU Yangu, hamna UZIMA ndani yenu”. Mahali popote katika
Biblia hatuwezi kupata kwamba waliula
MWILI wa Yesu wala kuinywa
damu yake. Kula MWILI wa Yesu na kunywa DAMU Yake ingewafanya kuwa wala nyama
za watu na wanyonya damu ikiwa amri hiyo ingefuatwa kwa barua. Lakini jambo ni
kwamba ilifunuliwa kwao kwamba kula Mwili wake inamaanisha “kushiriki Neno lake” na kunywa damu yake inamaanisha
“kupokea dhabihu Yake ya Upatanisho” katika maisha yao. Katika Ubatizo wa Maji,
ilifunuliwa pia kwao NI NANI hasa alikuwa Baba, Mwana na Roho Mtakatifu, na
JINA la Mungu lilikuwa nini. “Bwana Yesu Kristo”, ndilo Jina kamili la Mungu.
MITUME WALIKUWA NA UFUNUO SAHIHI
Mtume PETRO, akiwa amepewa funguo
za Ufalme, aliwaamuru WAYAHUDI, akisema, “TUBUNI kila mmoja wenu na KUBATIZWA
kwa JINA LA YESU KRISTO kwa ondoleo la dhambi” (Matendo 2:38) “nanyi mtapokea
kipawa cha Roho Mtakatifu.”
KANUNI ile ile ilitumiwa na
Mtakatifu PAULO. Paulo mwenyewe aliwabatiza tena wanafunzi wa Yohana Mbatizaji
(Matendo 19:1-5) kwa njia hiyo hiyo, akisema, “Je, mlipokea Roho Mtakatifu MLIPOAMINI? Wakasema, ‘Hatujui kama kuna
Roho Mtakatifu.’ Paulo akasema, “Mlibatizwa kwa ubatizo gani?” Wakasema,
‘Tumebatizwa kwa ubatizo wa Yohana.’ Ndipo Paulo akasema, “Yohana alibatiza kwa
ubatizo wa toba, akiwaambia watu wamwamini yeye atakayekuja baada yake, yaani
KRISTO YESU.” WALIPOSKIA HAYA, wakabatizwa kwa JINA la BWANA YESU”. PETRO NA YOHANA walifanya vivyo
hivyo kwa WASAMARIA pia katika Matendo 10:48,” Akawaamuru wabatizwe kwa JINA la
BWANA YESU”.
WAMATAIFA
waliokuwa katika nyumba ya Kornelio ambao walipokea Injili kwa mara ya kwanza
pia walibatizwa kwa njia hiyo hiyo (Matendo 10:46-48), “Kwa maana waliwasikia
wakinena kwa lugha, na kumtukuza Mungu. Ndipo PETRO akajibu, “Je, mtu yeyote
aweza kuzuia maji, wasibatizwe hawa waliopokea Roho Mtakatifu kama sisi?
AKAWAAMURU wabatizwe kwa JINA la BWANA YESU” (NIV).
WATU wote waaminifu katika Biblia,
Wayahudi, Wapagani na Wasamaria, WALIBATIZWA wote kwa JINA la YESU KRISTO, kwa
kuwa ndiyo njia halisi na ya Kibiblia ya kufanya hivyo. Vipi kuhusu wewe?
Kanisa Katoliki la Roma ndilo
lililoleta ubatizo wa uongo wa kunyunyizia, na kubadilisha kutoka kwa Jina la
Bwana Yesu Kristo kuwa Baba, Mwana, Roho Mtakatifu baada ya mwaka 325 A.D.
Wengi wa binti zake, makanisa ya Kiprotestanti, walichukua mafundisho hayo hadi leo na wanazingatia kwa upofu kanuni hiyo hiyo bila
kuitambua. (Soma ukweli wa kihistoria chini).
JE! MT. PETRO NA PAULO WALIKUWA MAKOSANI?
Hapana. Mitume hawa walijua kile ambacho
viongozi wengi wa kidini wa leo WANASHINDWA kutambua.
Kwanza: Kwamba JINA la Bwana Yesu
Kristo ni JINA LA FAMILIA la Wakristo wote mbinguni na duniani (Soma Efe.3:15).
Pili: Hakuna JINA LINGINE chini ya
mbingu ambalo tunapaswa KUOKOLEWA ila katika Jina la YESU (Matendo 4:12).
Tatu: Kwamba UTIMILIFU wa Uungu wa Mungu unakaa KIMWILI ndani ya
KRISTO (Kol. 2: 9).
Na nne: Kwamba UBATIZO lazima
ufanyike kwa JINA la MSULUBIWA (Soma 1 Kor. 1:13).
Biblia inatuambia kwamba “Cho chote
unachofanya kwa neno au kwa TENDO, fanya YOTE kwa JINA la BWANA YESU KRISTO”
(Kol. 3:17). YESU hata alitufundisha kwamba “TOBA na MSAMAHA wa dhambi uhubiriwe kwa JINA LAKE, kuanzia katika Yerusalemu, hata miisho ya
dunia” (Luka 24:47).
MAJINA MATATU KWA JINA MOJA
Baba, Mwana na Roho Mtakatifu ni VYEO VITATU. Lakini kuna JINA MOJA tu.
Iliwafunuliwa kwa mitume kwamba wokovu pekee unapatikana katika JINA la YESU
KRISTO (Matendo 4:12).
Biblia inafundisha kwamba hakuna
wokovu katika jina lingine, cheo au mahali, ILA katika JINA la YESU KRISTO
(Matendo 4:12). Yeye ni “Waridi la
Sharoni”, “Nyinyoro ya Bonde”, “Nyota ya Asubuhi”, “Alfa na Omega” - Yeye ni
VITU VYOTE HIVI, lakini hakuna WOKOVU katika majina haya; ILA KATIKA JINA LA
YESU KRISTO.
Mungu ana VYEO VINGI: “Haki Yetu”, “Amani Yetu”, “Mwenyezi”, “Baba
Yetu”, “Mfalme Wetu”, “Mfalme wa Amani”, “Mwana”, na “Roho Mtakatifu”. LAKINI
ana JINA MOJA LA KIBINADAMU, na JINA hilo ni YESU - ambalo kwa Jina hilo kila
goti litapigwa na kila ulimi utakiri kwamba Yeye ni Mfalme wa wafalme na Bwana
wa mabwana.
Kila mtu, basi, ambaye amebatizwa
kwa MAJINA ya Baba, Mwana na Roho Mtakatifu hajabatizwa kwa JINA LOLOTE. Ni MAJINA kama Mchungaji,
Mheshimiwa, Daktari, n.k., Baba, Mwana, Binti, Mke - VYEO. Unaweza kusema haijalishi. Kisha jaribu kuweka CHEO chako kwenye
hundi yako na sio JINA lako, na uone kama BENKI itailipa - sema, “Ninasaini
hundi hii kwa jina la Mume”… Hiyo ina maana tu kama ingekuwa kukataa Neno la
Mungu wakati ufunuo uko hapa mbele ya macho yako.
JINA hilo
ni Nenosiri la mbinguni. Na
pia UFUNGUO wa baraka zote za mbinguni na vipawa vya kimiujiza ambavyo Mungu
amelipa kanisa. “Kwa JINA langu
mtawatoa pepo, Kwa JINA langu mtasema kwa ndimi mpya, kwa JINA langu mtaweka
mikono juu ya wagonjwa nao watakuwa wazima” (Marko 16:17-18). “Mkiomba neno lo
lote kwa JINA langu, nitafanya [hilo].” (Yohana 14:14).
VIPI KUHUSU
MATHAYO 28:19?
Maandiko yaliyotolewa hapo juu
(Kitabu cha Matendo) hayatolewi ili kupinga Mathayo 28:19 ambapo Yesu
aliwaambia mitume wabatize kwa JINA la Baba, la Mwana, na la Roho Mtakatifu.
Wanaonyesha tu JINSI amri hiyo ilivyotafsiriwa na kutiiwa na wanafunzi katika
Biblia yote.
Kama hujabatizwa kwa JINA la BWANA
YESU KRISTO bado, UBATIZO WAKO NI SIO
SAHIHI. Unapaswa KUBATIZWA TENA kwa JINA la Yesu Kristo ili umpokee Roho wa Mungu.
Matendo 2:38 inasema wazi,
"TUBUNI, ninyi nyote, na KUBATIZWA kwa JINA la YESU KRISTO kwa (Nini?) ONDOLEO LA DHAMBI - (Bado uko katika
dhambi zako kama hujabatizwa kwa JINA la BWANA YESU KRISTO kwa kuwa hakuna Jina
lingine lililotolewa ambalo tunapaswa kuokolewa kwalo), “NA MTAPATA KIPAWA CHA ROHO MTAKATIFU”.
MUNGU ANAKUITA LEO, MKRISTO
MWAMINIFU, kurudishwa kwenye imani ya asili iliyowahi kutolewa kwa watakatifu.
Kama Warumi 8:30 inavyosema, “Wale aliowachagua tangu awali, aliwaita pia; na
wale aliowaita, aliwahesabia haki pia; na wale aliowahesabia haki, aliwatukuza
pia.”
Kama wewe ni mbegu iliyochaguliwa
na Mungu, utatambua Ujumbe huu kuwa Ukweli. Na hutangoja muda mrefu mpaka
ubatizwe kwa JINA la BWANA YESU KRISTO. Patana na Mungu sasa wakati rehema na
neema iko karibu na wewe. “Kutii ni bora kuliko kutoa dhabihu” (1 Samweli
15:22).
Tafuta kanisa ambalo wanaamini
Ujumbe huu wa wakati wa mwisho na
ubatizwe kwa JINA la YESU KRISTO kwa uhakika wa wokovu wako.
.........UKWELI NA REKODI ZA KIHISTORIA.......
BRITANNICA ENCYCLOPEDIA - “Kila
mahali katika vyanzo vya zamani, inasema kwamba ubatizo ulifanyika kwa Jina la
Yesu Kristo.” (Toleo la 11/Juzuu 3/uk.82)
CANNY ENCYCLOPEDIA OF RELIGION -
“Kanisa la Kwanza lilibatiza kila wakati kwa Jina la Bwana Yesu mpaka maendeleo
ya Mafundisho ya Utatu katika Karne ya 3.” (Uk. 53).
HASTINGS ENCYCLOPEDIA OF RELIGION -
“Ubatizo wa Kikristo ulitolewa kwa kutumia maneno “Kwa Jina la Yesu”. Matumizi
ya kanuni ya Utatu
ya aina yoyote hayakupendekezwa katika historia ya kanisa la kwanza. Ubatizo
ulikuwa kila wakati kwa Jina la Bwana Yesu mpaka wakati wa Justin Maryr ambapo kanuni ya utatu ilitumika.” (Juzuu 2/Uk.
377-378.)
UKWELI KUHUSU UBATIZO WA WATOTO WACHANGA
Makanisa mengi ya Kikristo leo hufanya ubatizo kwa watoto wachanga kwa kuwanyunyizia maji na kuita “ubatizo wa watoto wachanga”. Lakini hakuna mahali popote katika Biblia tunaweza kupata mahali ambapo Mitume wa Yesu walibatiza watoto wachanga. Ubatizo wa watoto wachanga sio mafundisho ya Kibiblia; ni mafundisho ya Kanisa Katoliki la Roma. Hakuna mtoto yeyote aliyewahi kunyunyiziwa katika Biblia.
Katika Agano la Kale, tutapata
kwamba kuhani mkuu alitahiri watoto wachanga siku ya 8. Walawi 12: 2-3, “Nena
na wana wa Israeli, ukisema, Ikiwa mwanamke amepata mimba, na amezaliwa mtoto
wa kiume: basi atakuwa mchafu siku saba; kulingana na siku za kutengwa kwake
kwa ugonjwa wake atakuwa mchafu. Na siku ya nane nyama ya govi lake
itatahiriwa.”
Lakini katika Agano Jipya, njia
pekee ambayo mitume waliwaweka
wakfu watoto kwa Mungu ni kwa kuwaleta wadogo kwa Bwana Yesu. Yesu
aliwainua mikononi mwake, na kuwabariki, akisema, “Waacheni watoto wadogo waje
kwangu, na msiwazuie: kwa maana kama hawa ndio ufalme.” (Mathayo 19:13-15; Luka
18: 15-17). Hivyo, hii ndio kanuni
sahihi ya Kibiblia ya kuwakabidhi watoto kwa Bwana.
Ubatizo wa Maji ni kukiri kwamba
kazi ya ndani ya neema imefanywa. Lakini watoto wadogo hawana ufahamu wa dhambi
na hawajui jinsi ya kutubu. Lakini kwa kweli, mtoto amezaliwa katika dhambi,
ameumbwa katika uovu, anakuja ulimwenguni akisema uongo, na ni wenye dhambi kwa
asili. Lakini Yesu alipokufa msalabani, alikufa ili aondoe dhambi za ulimwengu.
Na mtoto anapokuwa binadamu na kuzaliwa ulimwenguni, hawana dhambi yao wenyewe.
Damu ya Yesu Kristo tayari inafidia dhambi ya mtoto. Na kwa hivyo hawana toba ya
kufanywa na hakuna ubatizo wa maji unahitajika kwao, hadi wafikie umri wa
uwajibikaji. Mtoto anafikia umri wa uwajibikaji kati ya umri wa miaka 12 hadi
13. Wakati wa umri huo, mtoto tayari anajua nini ni sawa na kibaya. Kwa hivyo,
ni wakati unaofaa kwake kutubu kwa yale aliyoyafanya. Na anapotubu, basi ndio
wakati wa kufanyiwa ubatizo wa maji (Matendo 2:38 - “Tubu na ubatizwe …”) kwa
kuzamishwa.
Ndugu Branham anatuelezea hivi:
“Mtoto mdogo, haijalishi ana mzazi
wa aina gani, jinsi walivyo wenye dhambi, hilo halitakuwa na tofauti yoyote,
kwa sababu Damu ya Yesu Kristo inasafisha dhambi yake. Mtoto huyo hawezi
kutubu. Hajui jinsi ya kutubu. Hana sababu za kuwa hapa kwa yake mwenyewe.
Hawezi kukwambia kwa nini yuko hapa. Lakini Mungu alimtuma hapa. Na Damu ya
Yesu Kristo inamsafisha wakati tu anapoingia ulimwenguni, na ni hadi anapofikia
umri wa uwajibikaji, na kisha anajua nini ni sawa na kibaya. Na kisha
anachofanya, lazima atubu kwa kile anachojua kwamba amefanya vibaya. Na kisha
damu ya Yesu Kristo inasafisha na kufanya upatanisho kwa mtoto huyo. Akifa,
anarudi moja kwa moja mbele ya Mungu. Na ikiwa alizaliwa kutoka kwa wazazi
wenye dhambi zaidi ulimwenguni, hadi anapofikia umri wa uwajibikaji ambapo
anajua nini ni sawa na kibaya, na kisha anachofanya kutoka hapo kuendelea,
lazima asamehewe hilo. Lazima aombe toba yake mwenyewe kutoka hapo kuendelea.”
(WMB, ENTICING.SPIRITS, 55-0724)
“Na sasa, kwa sababu mtoto ni,
‘mbali na dhambi, hana. Yesu alikufa ili aondoe dhambi za ulimwengu, na mtoto
hajafanya dhambi yoyote. Ni kwamba tu alizaliwa katika dhambi. Lakini, Yesu
alipokufa Kalvari, aliondoa dhambi za ulimwengu, na mtoto hahusiki hadi
anapofikia umri wa uwajibikaji. Na mtoto yeyote, haijalishi wazazi wake ni
wenye dhambi kiasi gani, mara tu anapokufa, anaenda moja kwa moja mikononi mwa
Kristo. Unaona? Kwa sababu alilipa gharama. Haijalishi kama ilikuwa ni mtoto
aliyekuwa amezaliwa katika dhambi, na kwa uzinzi, au chochote kile. Hakuna
tofauti kabisa. Mtoto huyo yuko salama na Kristo, kwa sababu alikufa ili aondoe
dhambi za ulimwengu. Na, anapokuwa mzee sasa kwamba amefanya dhambi ya
kibinafsi, basi anapaswa kutubu kwa kile alichokifanya. Lakini hana dhambi ya
kibinafsi hadi anapokuwa na umri wa kutosha kufanya dhambi, kujua nini ni sawa
na kibaya.” (JOSEPH.MEETING.HIS.BRETHREN JEFF.IN 56-1230)
Pakua PDF hapa Soma makala ya kingereza hapa