Google Drive ni
huduma ya wingu ya Google inayokuwezesha kuhifadhi na kusawazisha (synclonize) faili kwa
ajili ya kurahisisha chelezo (backup) pamoja na namna ya kupata mafile hayo
kutoka kwa vifaa anuwai, kama kompyuta yako ya mezani, simu janja, au tablet.
Unaweza pia kutumia hifadhi ya Google kushirikisha watu wengine, kubadilishana
taarifa lakini pia kuruhusu watu wengine kuhariri taarifa kwa wakati halisi.
Unawezaje kuwa na Hifadhi ya google.
Hifadhi ya
google unaweza kuipata bila ghalama yoyote ilimradi tu una barua pepe ya Gmail.
Kama unatumia vifaa kama simu zenye program endeshi ya Adroid basi mara nyingi
google drive inakuja na kifaa chako. Pia
unaweza kuipakua mwenyewe kwenye duka la program yaani Playstore kama unatumia
vifaa vyenye android OS, App store kwa vifaa vinavyotumia iOS vile vile unaweza
kuipata kwenye Microsoft store kwa vifaa vinavyotumia windows OS.
Unaweza kufanya nini na Hifadhi ya Google?
Faida unazoweza
kuzipata unapokuwa unatumia Hifadhi Google zinategemea sana jinsi unavyoitumia.
Unaweza kutumia Hifadhi ya Google tu kuhifadhi na kucheleza nakala zako.
Akaunti yako ya bure inakuja na 15GB ya uhifadhi wa bure, na una fursa ya
kununua hifadhi zaidi kwa pesa chache kwa mwezi. Baada ya hapo unachoweza
kufanya ni kupakia tu faili zako kutoka kwenye kifaa chako mfano kompyuta au
simu yako na nyaraka Pamoja na taarifa zako zitakuwa salama kabisa.
Kwa ufupi kabisa
unaweza kuitumia google drive kufanya yafuatayo;
- Kutunza taarifa zako mfano,
Nyaraka (Vyeti, Vitabu, Stakabadhi, Machapicho), Picha, Video n.k
- Kushirikisha nyaraka/taarifa
kutoka kwa mtu mmoja kwenda kwa mwingine kwa njia ya mtandao
- Kuhariri taarifa mtandaoni,
taarifa moja inaweza kuhaririwa na mtu Zaidi ya mmoja hivyo kuepusha usumbufu
wa kukutana.
- Kuchapisha taarifa popote ulipo,
wakati wowotw ilimradi una kifaa chako
- Kufanya chelezo (Backup) ya
taarifa zako.
- Ku-scan hati/nyaraka zako kwa
kutumia vifaa kama simu au tablet na kisha kuzipakia tena kwenye google drive.
Je unawezaje ku-scan hati/nyaraka zako kwa kutumia Google drive.
Kutokana na
mabadiliko ya teknolojia taarifa nyingi sana ambazo ni rasmi zinapaswa kuwa
zime-skaniwa. Mfano wa baadhi ya hizo taarifa ni Vyeti vya Elimu, mikataba ya
kazi, Ripoti mbali mbali n.k. Kulingana mazoea watu wamekuwa wakienda kwenye stashonari
ili kuweza kuskani hati mbalimbali kutumia vifaa kama scanner, lakini siku
zinavyozidi kwenda mbele mambo yanabadilika na watu wanaanza kutumia zaidi
program tumishi za bure ambazo zipo kwenye maduka ya programu kama vile
Appstore,Playstore na Microsoft store, mfano CamScanner na hii ni
kutokana na urahi na uharaka wa kuzitumia. Licha ya hivyo taasisi nyingi
wamekuwa wakikataa kupokea hati/nyaraka zilizoscaniwa kwa baadhi ya hizi Apps
kwa sababu taarifa zinakuwa zinaambatana na Hati miliki na App husika.
Ili kuepukana na
usumbufu wote Google wakaamua kuja na njia ambayo ni rahisi na inayokubalika
ambayo inaweza kutumiwa na mtu au taasisi yeyote, wakati wowote na ukiwa popote
pale ilimradi tu una kifaa ambacho kina uwezo wa kuwa na Google drive.
Namna ya kutumia Google drive ku-scan.
- Fungua Application yako ya
google drive (kama hauna pakua)
- Baada ya kufungua bomyeza alama
ya kujumlisha iliyopo upande wa kilia kwenye kifaa chako
- Baada ya hapo utaona vitufe/icons
sita, scan ikiwa kimojawapo
- Fungua kitufe kilichoandikwa
scan, tayaro kwa ajili ya kupiga picha ya hati unayotaka kuscan
- Baada ya kupiga picha utaletewa
option ya rangi(kama unata rangi ya hiyo hati kama ilivyo au unataka
black&White au hautakia rangi yoyote) nashauri uchague None.
- Baada ya kuchagua none uta-save hati yako
- Andika jina la hiyo hati/doc yako
- Kama una gmail Zaidi ya moja utachagua/kama ni moja hiyohiyo acha hivo hivo
- Tengeneza folder unalotaka hizo taarifa zikae.
 |
 |
Baada ya kumaliza kuhifadhi (save) taarifa zako zitakuwa zimehifadhiwa kwenye google drive, na unaweza ukafanya
hivyo mara nyingi uwezavyo mpaka utakapofikia kikomo ambacho ni 15GB. Taarifa
zikishakuwa zimehifadhiwa kwenye google drive zitaendelea kuwepo humo mpaka pale
utakapoamua kuzifuta, unaweza kushare nyaraka, picha n.k kutoka kwenye google
drive kwa kutumia njia mbali mbali kama barua pepe n.k
By Pazza.